(दापोली- प्रतिनिधी:सागर गोवळे.)
पंचनदी:डॉ. बाळासाहेब सावंत कोकण कृषी विद्यापीठ, दापोली अंतर्गत उद्यानविद्या महाविद्यालयातील ‘कृषिकन्या’ ग्रामीण कृषी कार्यानुभव विद्यार्थिनी गट, पंचनदी यांच्या वतीने मंगळवार, ११ ऑगस्ट २०२६ रोजी एका विशेष कार्यक्रमाचे आयोजन करण्यात आले आहे. हा कार्यक्रम निर्मळ ग्रुप ग्रामपंचायत पंचनदी कार्यालयात सकाळी ११:०० वाजता पार पडणार आहे.
ग्रामीण भागातील कृषी व उद्यानविद्या विषयाचा प्रसार करणे तसेच स्थानिक शेतकऱ्यांचा गौरव करण्याच्या उद्देशाने या कार्यक्रमाचे आयोजन करण्यात आले आहे.
कार्यक्रमाचे प्रमुख आकर्षणे:
शेतकरी सत्कार समारंभ: “शेतकऱ्यांचा सन्मान, आमचा अभिमान” या संकल्पनेअंतर्गत कष्टकरी शेतकऱ्यांचा सन्मान करून त्यांच्या योगदानाचा गौरव केला जाईल.
रानभाज्या पाककला स्पर्धा (महिलांसाठी): स्थानिक रानभाज्यांपासून पौष्टिक, चविष्ट व नावीन्यपूर्ण पदार्थ तयार करण्याची स्पर्धा महिलांसाठी आयोजित करण्यात आली आहे. (टीप: स्पर्धेचे नमुने सकाळी १०:०० वाजेपर्यंत जमा करणे आवश्यक आहे.)
रानभाज्यांचे प्रदर्शन: सर्व नागरिकांसाठी विविध प्रकारच्या पौष्टिक रानभाज्यांचे प्रदर्शन व माहिती उपलब्ध करून दिली जाईल.
कार्यक्रमाची मुख्य उद्दिष्टे:
रानभाज्यांचे आहारातील महत्त्व समजावून सांगणे, महिलांमधील पाककला कौशल्याला आणि आत्मविश्वासाला वाव देणे, तसेच स्थानिक उत्पादनांना प्रोत्साहन देऊन ग्रामीण आरोग्याची जपणूक करणे हे या उपक्रमाचे मुख्य उद्दिष्ट आहे.
यानिमित्ताने पंचनदी व परिसरातील शेतकरी बांधवांनी आणि ग्रामस्थांनी मोठ्या संख्येने उपस्थित राहावे, असे आवाहन ‘कृषिकन्या’ कृषी कार्यानुभव विद्यार्थिनी गटाच्या वतीने करण्यात आले आहे.
