प्राथमिक शिष्यवृत्ती परीक्षेत न्यू. इंग्लिश स्कूलच्या तनिष्का बहिरम चे उल्लेखनीय यश

कसबा, संगमेश्वर :
न्यू इंग्लिश स्कूल, इंग्रजी माध्यम, कसबा संगमेश्वर या शाळेतील इयत्ता चौथीच्या विद्यार्थिनी कु. तनिष्का हेमराज बहिरम हिने सन 2026 मध्ये झालेल्या प्राथमिक शिष्यवृत्ती परीक्षा इयत्ता चौथी (इंग्रजी माध्यम) या परीक्षेत उल्लेखनीय यश संपादन केले आहे. तिने या परीक्षेत 298 पैकी 150 गुण मिळवत शिष्यवृत्ती परीक्षेत पात्रता प्राप्त केली आहे.

तनिष्काने मिळवलेल्या या यशामुळे तिच्या कुटुंबीयांसह शाळेचे नावही उज्ज्वल झाले आहे. तिच्या या यशामागे तिची नियमित मेहनत, अभ्यासातील सातत्य, जिद्द आणि शिक्षकांचे योग्य मार्गदर्शन यांचा मोलाचा वाटा आहे.

प्राथमिक शिष्यवृत्ती परीक्षा ही विद्यार्थ्यांच्या शैक्षणिक गुणवत्तेला चालना देणारी आणि त्यांच्या बौद्धिक क्षमतेला विकसित करणारी महत्त्वपूर्ण परीक्षा मानली जाते. या परीक्षेत पात्र ठरणे ही विद्यार्थिनीच्या शैक्षणिक प्रगतीची निश्चितच कौतुकास्पद बाब आहे.

तनिष्का बहिरम हिच्या या यशाबद्दल न्यू इंग्लिश स्कूल इंग्रजी माध्यम, कसबा संगमेश्वर येथील मुख्याध्यापक, शिक्षकवृंद आणि शिक्षकेतर कर्मचारी यांनी तिचे मनःपूर्वक अभिनंदन केले. तसेच तिच्या पुढील शैक्षणिक वाटचालीसाठी शुभेच्छा दिल्या.

तनिष्काच्या यशाबद्दल तिचे पालक, नातेवाईक आणि मित्रपरिवारातूनही तिच्यावर अभिनंदनाचा वर्षाव होत आहे. तिच्या या यशामुळे शाळेतील इतर विद्यार्थ्यांनाही शैक्षणिक क्षेत्रात अधिक मेहनत घेऊन यश संपादन करण्याची प्रेरणा मिळाली आहे.

कु. तनिष्का हेमराज बहिरम हिच्या या उल्लेखनीय यशाबद्दल तिचे हार्दिक अभिनंदन आणि पुढील उज्ज्वल शैक्षणिक वाटचालीसाठी मनःपूर्वक शुभेच्छा!